Die storie agter, Sterker As…

Galore SA/ November 14, 2021/ ENTERTAINMENT, LATEST NEWS/ 0 comments

Imke het in 2020 haar pop treffer, Dans Tot Die Son Opkom bekendgestel en nou is sy terug met ‘n
sielvolle kontemporêre snit, Sterker As.

“Wanneer ek ’n liedjie skryf, begin ek gewoonlik eers by die melodie. Die klavier praat met my;
daarom is dit vir my geriefliker om dan só aan my liedjie te skaaf. Iewers in my gedagtes bestaan
die tema van die liedjie dan reeds. In hierdie geval, Sterker As.”

Die gedagte agter Sterker As is dat elkeen dit self moet voltooi, byvoorbeeld: Ek is sterker as my
siekte, die verhouding waarin ek is, my omstandighede wat my terughou. Jy is sterker as jou heel
grootste vrees, die berg wat voor jou lê, jou toekoms wat jou bangmaak, die spoke van jou
verlede.

Gideon Botes het die liedjie vervaardig en Christiaan Baartman was by ’n gedeelte van die
afronding van die liedjie betrek.
Imke wil met hierdie enkelsnit mense inspireer om, ten spyte van hulle omstandighede vir
hulleself op te staan. “Ek wil die boodskap oordra dat elkeen vir sy eie geluk verantwoordelik is,”
vertel sy.

Vind jouself weer! Hoop op dit wat kom! Jy is sterk genoeg! Wanneer jy dít glo, sal jy jou
toekoms op die horison sien.

Die enkelsnit is vanaf 12 November beskikbaar op alle digitale platforms

Share this Post

Leave a Comment

Your email address will not be published. Required fields are marked *

*
*