Rooksein het die musiekbedryf behoorlik op horings geneem. Na die reuse sukses van die Platinum treffer Kyk Na My Hart & Damlelielief wat Goue Status bereik het stel Rooksein vandag hulle nuwe enkelsnit, Hey Jy vry.
Hey Jy, is ‘n baie oulike, eenvoudige, goedvoelliedjie wat ‘n bietjie van n sokkie geur & styl het. Die liedjie is ook heeltemal anders as die normale Rooksein klank waaraan almal gewoond is en is ‘n tipe van ‘n Pop/Rockliedjie.
“Dit gaan oor jong liefde tussen ‘n ou en ‘n meisie. Die verse word opgedeel in 2 segmente wat wissel tussen ‘n vroulike en manlike stem om die geselskap tussen die twee van hulle in die liedjie te beklemtoon van hoe hulle oor mekaar voel. Dit vat die luisteraar op ‘n reis van hulle liefde. Die genré is Pop/Rock en so ‘n bietjie sokkie”
Oorspronklik was die doel om ‘n liedjie te probeer skryf vir ‘n ander kunstenaar, maar op die einde van die dag het Rooksein besluit om dit eerder self op te neem.
“Ons het hierdie liedjie gekies ,want mense is oor die algemeen lus vir iets meer lig vir die gemoed en iets waarop almal kan dans en hulself mee vereenselwig. Dit was vir ons ook pret en ‘n opwindende uitdaging om ‘n ander styl te probeer maar wat steeds ons stempel daarop het.”
Luister liedjie hier – https://Rooksein.lnk.to/HeyJy
“Musiek is ons manier om iets te sê sodat ander mense dit hoor. Luisteraars sal ongetwyfeld kan vergelyk met ons klank, styl en lirieke. Ons is maar net drie jongmense wat lief is vir musiek en bevoorreg genoeg is om te kan doen waaroor ons mal is.”
